सुमोको ठक्करबाट जीतपुरमा मोटरसाइकल चालकको मृत्यु
सिमराः बाराको जीतपुरमा मंगलबार साँझ सुमोले मोटरसाइकललाई ठक्कर दिँदा एक युवकको मृत्यु भएको छ । जीतपुरसिमरा ७ स्थित राजमार्गमा रोकिराखेको मोटरसाइकललाई सुमोले ठक्कर दिँदा युवकको मृत्यु भएको हो ।
सुमोको ठक्करबाट मृत्यु हुनेमा वीरगन्ज महानगरपालिका ३२ का २५ वर्षीय दीपक नारायण शर्मा रहेको बाराका प्रहरी प्रवक्ता दधिराम न्यौपानेले जानकारी दिएका छन् । जीतपुरबाट बकुलियातर्फ जाने सडक नजिक जेब्राक्रसिङमा रोकिराखेको ना५९प नम्बरको मोटरसाइकललाई ना१ज ३५२७ नम्बरको सुमोले ठक्कर दिएको हो ।
ठक्करबाट गम्भिर घाइते शर्माको उपचारका क्रममा मृत्यु भएको स्थानीयको भनाई छ । मोटरसाइकललाई ठक्कर दिने सुमोसहित चालक बारा प्रसौनी ५ का ४५ वर्षीय सुकेश्वर राइभरलाई प्रहरीले नियन्त्रणमा लिएको छ ।
