सिमरा कलेजमा पूर्व विद्यार्थी परिषद् गठन
सिमराः जीतपुरसिमरा २ स्थित सिमरा कलेजमा भएको पूर्व विद्यार्थीको भेलाले पूर्व विद्यार्थी परिषद् गठन गरेको छ । स्थापनाकालदेखि अध्ययनरत पूर्व विद्यार्थीहरुको भेलाले ११ सदस्यीय तदर्थ समिति गठन गरेको हो ।
समितिको अध्यक्षमा नृपराज बराल, उपाध्यक्षमा सोनी कार्की, सचिवमा सुमित अधिकारी, सहसचिवमा श्रीराम रेग्मी, कोषाध्यक्ष राजुकुमार दास बाँनिया रहेका छन् । यसैगरी सदस्यमा कृष्ण अधिकारी, चेतबहादुर बस्नेत, पर्शुराम चौधरी, सञ्जीव सुवेदी, कुन्दन साह र अनिश रेग्मी चयन भएका छन् ।
कार्यक्रममा पूर्व विद्यार्थीको तर्फबाट श्रीराम रेग्मी, सञ्जीव सुवेदी, लालकाजी परियार, नृपराज बराल, राजकुमार दास बाँनिया, सुमित अधिकारीले आफ्ना अनुभव आदनप्रदान गरेका थिए । भेलाको सहजीकरण कलेज प्रमुख शालिकारम अधिकारीले गरेका थिए ।
२०६० सालमा स्थापना भएको कलेजमा हाल स्नाकोत्तर तहसम्म अध्ययन अध्यापन भईरहेको छ । कलेजमा पहिलो पटक पूर्व विद्यार्थी भेला भएर परिषद् गठन गरेका हुन् ।
