गाडीको ठक्करबाट सिमरामा पैदल यात्रुको मृत्यु
सिमराः गाडीको ठक्करबाट बुधवार राती सिमरामा एक पैदल यात्रुको मृत्यु भएको छ । पथलैया–वीरगन्ज व्यापारिक मार्ग अन्तर्गत सिमराको सुर्य नेपाल नजिकको पेट्रोल पम्प अगाडी गाडीले ठक्कर दिँदा पैदलयात्रुको घटनास्थलमै मृत्यु भएको हो ।
मृत्यु भएका पैदल यात्रुको पहिचान खुलेको छैन । स्थानीयका अनुसार ती पैदल यात्रुलाई बसले ठक्कर दिएको र टाटा सुमोले किचेको थियो ।
बसले ठक्कर दिएर रोडमा लड्न पुगेका पैदल यात्रुलाई पछाडीबाट आउँदै गरेको सुमोले किचेको प्रत्यक्षदर्शीले जानकारी दिएका छन् । सिमराबाट वीरगन्जतर्फ जादै गरेको दुवै सवारी साधन घटनापछि फरार भएका छन् ।
ईलाका प्रहरी कार्यालय सिमराको प्रहरी टोलीले घटनास्थलबाट शव उठाएर वीरगन्जतर्फ लगेको छ । प्रहरीले ठक्कर दिने गाडीको खोजी गरिरहेको छ ।
