सिमरा जेसीजले मनायो स्थापना दिवस
सिमराः आफ्नो स्थापना दिवसको अवसरमा सिमरा जेसीजले विभिन्न कार्यक्रमको आयोजना गरेको छ । करिब पाँच वर्ष अगाडी स्थापना भएको सिमरा जेसीजले अभिमुखिकरण, दीप प्रज्वलनलगायतको कार्यक्रम सम्पन्न गरेको हो ।
सिमरामा आयोजित अभिमुखिकरण कार्यक्रममा वर्ष २०२१ का अध्यक्ष शालिकराम अधिकारीले सहजीकरण गरेका थिए । अभिमुखिकरण कार्यक्रममा सिमरा जेसीसका पूर्वअध्यक्ष, पदाधिकारी, सल्लाहकारलगायतले सहभागिता जनाएका थिए ।
स्थापना दिवसकै अवसरमा जेसीजले नेपाल टेलिकम नजिक विश्रामस्थलमा दीप प्रज्वलन गरेको छ भने एसपीईएस स्कुल नजिक मार्ग निर्देश गर्ने सूचना बोर्ड राखेको छ ।
