चट्याङले सिमरास्थित रेडियो नागरिकमा क्षति, प्रसारण बन्द
सिमराः वर्षासंगै आएको चट्याङले जीतपुरसिमरा उपमहानगरपालिका २ स्थित रेडियो नागरिकमा क्षति पुगेको छ । चट्याङका कारण रेडियोको कम्प्युटर, ट्रान्समिटर, मिक्सरलगायतका उपकरणमा क्षति पुगेको हो ।
रेडियोको निर्देशक बसन्त शर्माका अनुसार सोमबार दिउँसो ठुलो वर्षासंगै आएको चट्याङका कारण अर्थिङ सट हुँदा उपकरणमा क्षति पुगेको बताए । ठुलो वर्षा सुरु भएपछि रेडियो बन्द गरिएको र पुनः संचालन गर्न खोज्दा उपकरणले काम नगरेको बताए ।
शर्माले उपकरण मर्मत नहुँदासम्म रेडियोको प्रसारण बन्द रहने समेत जानकारी दिए ।
