हातेमालो सहकारीद्धारा मन्टेश्वरी कक्षाका विद्यार्थीको लागि टेलिभिजन हस्तान्तरण
सिमराः हातेमालो बचत तथा ऋण सहकारी संस्थाले जीतपुरसिमरा उपमहानगरपालिका २१ स्थित विद्यालयमा अध्ययनरत मन्टेश्वरी कक्षाको विद्यार्थीका लागि टेलिभिजन हस्तान्तरण गरेको छ । १७औं स्थापना दिवसका अवसरमा आयोजित साताव्यापी कार्यक्रम अन्तर्गत हातेमालोले टेलिभिजन हस्तान्तरण गरेको हो ।
श्रब्यदृश्यमार्फत छात्रछात्रालाई अध्यापन गराउन सहज होस् भन्दै हातेमालोका अध्यक्ष यज्ञबहादुर आलेले जीतपुरसिमरा २१ का वडाध्यक्ष सुवास श्रेष्ठ र विद्यालय व्यवस्थापन समितिका अध्यक्ष राजकुमार साहलाई सामाग्री हस्तान्तरण गरेका हुन् । कार्यक्रममा हातेमालो सहकारीका संजय साह, क्षमादेवी अधिकारी, दीपक भट्ट, रामचन्द्र पौडेल, राजु गौतम, महेश ढुंगेलगायत सहभागी थिए ।
स्थापना दिवसको अवसरमा हातेमालोले विभिन्न रचनात्मक कार्य गर्दै आएको छ । उत्कृष्ट सहकारी संस्थाको रुपमा स्थापित भईसकेको हातेमालोको जेठ २० गते १७औं स्थापना दिवस कार्यक्रम रहेको छ ।
