वीरगन्जमा एक किशोरीमाथि छुरा प्रहार
सिमराः वीरगन्जमा मंगलबार राती एक किशोरीमाथि छुरा प्रहार भएको छ । वीरगन्ज महानगरपालिका १३ राधेमाईस्थित एक घरमा डेरा गरी बस्दै आएकी पकहाँ मैनपुर गाउँपालिका १ धोरेकी १८ वर्षीया किशोरीमाथि छुरा प्रहार भएको हो ।
छुरा प्रहारबाट किशोरी घाइते भएकी छिन् । उनको वीरगन्जस्थित तराई अस्पतालमा उपचार भईरहेको छ । आफूमाथि छुरा प्रहार हुन थालेपछि किशोरी चिच्याएको र छुरा प्रहार गर्ने व्यक्ति फरार भएको बताइएको छ ।
किशोरीले छुरा प्रहार गर्ने व्यक्ति नचिनेको प्रारम्भिक बयान दिएकी छिन् । उनको अवस्था खतरामुक्त रहेको बताइएको छ ।
