बारामा खैरो हेरोइन सहित ३ जना पक्राउ
सिमराः बारा प्रहरीले लागूपदार्थ खैरो हेरोइन (ब्राउन सुगर) सहित तीन जनालाई पक्राउ गरेको छ ।
पक्राउ पर्नेमा पर्साको वीरगन्ज महानगरपालिका वडा नम्बर ३२ का मुनिलाल प्रसाद राौनियार, पोखरिया नगरपालिका वडा नम्बर २ का दिपेन्द्र शर्मा र पकाहामैनपुर गाँउपालिका वडा नम्बर ४ खेस्राहाका भीम गिरी रहेका छन् ।
वीरगन्जबाट नारायणगढ तर्फ जाँदै गरेको ना ६ ख ६०५९ नम्बरको बस बाराको सिमरा चोकमा प्रहरीले रोकेर चेकजाँच गर्ने क्रममा उक्त बसको चालकको सिटमुनि लुकाएर राखिएको ९ ग्राम ७६० मिलिग्राम ब्राउन सुगर बरामद भएको बाराका प्रहरी नायब उपरीक्षक दधिराम न्यौपानेले जानकारी दिए ।
ब्राउन सुगर सहित पक्राउ परेका तीनै जनालाई प्रहरी हिरासतमा राखेर उनिहरुविरुद्ध बारा जिल्ला अदालतबाट ५ दिनको म्याद थप गरी अनुसन्धान भइरहेको उनले जानकारी दिए ।
