पत्रकार बन्जारा चढेको कार जीतपुरमा दुर्घटना
सिमराः नेपाल पत्रकार महासंघ मधेस प्रदेशका महासचिव श्याम बन्जारा चढेको कार सोमबार बाराको जीतपुरमा दुर्घटना भएको छ । सिमरा विमानस्थलबाट वीरगन्ज जाने क्रममा बन्जारा सवार प्र.३–०१–०२४ च १८६५ नम्बरको कारलाई ट्रकले ठक्कर दिएको हो ।
ट्रकको ठक्करबाट कारमा क्षति पुगेपनि बन्जारा र उनकी पत्नीको अवस्था भने सामान्य रहेको छ । खुट्टामा चोट लागेका बन्जारको वीरगन्ज हेल्थ केयर अस्पतालमा उपचार भईरहेको छ ।
बन्जारा सिमरा बिमानस्थलबाट पत्नीलाई लिएर वीरगन्जतर्फ जाँदै गरेका थिए । उनले चलाईरहेको कारलाई सोही दिशाबाट गुडिरहेको ट्रकले ठक्कर दिएको थियो । ठक्कर दिने ट्रकलाई प्रहरीले नियन्त्रणमा लिएको छ ।
