प्रतिबन्धित लागूऔषधसहित बाराका दुई जना पक्राउ
सिमरा: पर्सा प्रहरीले प्रतिबन्धित लागूऔषधसहित बाराका दुई जनालाई पक्राउ गरेको छ। पक्राउ पर्नेमा कोल्हबी नगरपालिका ८ का २१ वर्षीय अनिल पौडेल र २० वर्षीया प्रेरणा पौडेल रहेका छन्।
भारतको रक्सौलबाट नेपालतर्फ पैदल आउँदै गरेका उनीहरूलाई जाँच गर्दा झोलामा लुकाएर राखेको अवस्थामा दुई सय ९४ थान नाइट्राभेट फेला परेको प्रहरीले जनाएको छ ।
जिल्ला प्रहरी कार्यालय पर्साको अस्थायी प्रहरी पोष्ट ईनर्वागाउँबाट खटिएको टोलीले वीरगञ्ज महानगरपालिका १६ ईनर्वागाउँस्थित सडकखण्डबाट उनिहरुलाई पक्राउ गरेको हो ।
पर्साका प्रहरी प्रवक्ता एवम् प्रहरी नायब उपरीक्षक दीपक भारतीका अनुसार पक्राउ परेका दुबैलाई लागूऔषधसम्बन्धी कसूरमा कारवाही थालिएको छ ।
