अमलेखगंजस्थित बौद्ध विद्यालयका विद्यार्थीलाई ब्याग वितरण
सिमराः जीतपुरसिमरा उपमहानगरपालिका २१ अमलेखगञ्जस्थित अहिंसावादी सांगे छ्योइलिङ्ग आधारभूत बौद्ध विद्यालयका विद्यार्थीलाई सोमबार ब्याग वितरण गरिएको छ ।
अमलेखगञ्जस्थित नेपाल राष्ट्रिय माध्यमिक विद्यालयबाट २०५५ सालमा प्रवेशिका परीषा उतिर्ण गरेका पूर्व विद्यार्थीको समूहले बौद्ध विद्यालयका ७० जना विद्यार्थीलाई व्याग वितरण गरेका हुन् ।
पूर्वविद्यार्थी स्वर्गीय प्रदीप बल र स्वर्गीय अमित कार्कीको स्मृतिमा आयोजित कार्यक्रमकाबीच ब्याग हस्तान्तरण गरिएको हो । २०५५ सालमा प्रवेशिका उतिर्ण गरेका विद्यार्थीको उक्त समूहले यसअघि पनि रचनात्मक गतिविधि गर्दै आएको छ ।
पूर्वविद्यार्थी समूहका जिवन ठकुरी (भिम) को अध्यक्षतामा सम्पन्न कार्यक्रममा ज्ञानराज लामा, मिना लामा, अन्जु थापा, जीवन ठकुरी, सरस्वती राना तथा चुडामणि खरेल (कपिल) लगायतको उपस्थिति रहेको थियो । कार्यक्रममा गुम्बाकी अध्यक्ष फुलमाया मगर, विद्यालयकी प्रध्यानाध्यापक मिना लामालगायतको उपस्थिती रहेको थियो ।
