कन्टेनर र मोटरसाइकल एकआपसमा ठोक्किँदा एकको मृत्यु
सिमरा: चितवनको रत्ननगर नगरपालिका–३ मा सोमबार बिहान कन्टेनरको ठक्करबाट एक जनाको मृत्यु भएको छ । मृत्यु हुनेमा रत्ननगर नगरपालिका– १५ का ३४ वर्षीय जीवन मग्राती रहेका छन् ।
जिल्ला प्रहरी कार्यालय चितवनका अनुसार वीरगञ्जबाट कुखुराको दाना लिएर भरतपुरतर्फ जादै गरेको ना८ख २८१८ नम्बरको कन्टेनरले विपरीत दिशाबाट आउँदै गरेको बागमती प्रदेश ०६–००३प ४८५१ नम्बरको मोटरसाइकललाई शान्ति चोकमा ठक्कर दिएको थियो । ठक्करबाट मोटरसाईकल चालक मग्राती गम्भीर घाइते भएका थिए ।
उनलाई उपचारका लागी बकुलहर अस्पताल टाँडीमा लगिएको थियो । उपचारको क्रममा मग्रातीको मृत्यु भएको जिल्ला प्रहरी कार्यालयका प्रहरी नायब उपरीक्षक भेषराज रिजालले जानकारी दिए ।
ठक्कर दिने कन्टेनरका चालक बाराको गढीमाई नगरपालिका ५ का ३६ वर्र्षीय श्यामसुन्दर सहनी रहेका छन् । चालक सहनी नियन्त्रणमा लिई थप अनुसन्धान भईरहेको प्रहरीले जनाएको छ ।
