निजगढमा मोटरसाइकल दुर्घटना हुँदा एकको मृत्यु
सिमराः निजगढको तामागढी–रतनपुर सडकखण्डमा मोटरसाइकल दुर्घटना हुँदा एकजनाको मृत्यु भएको छ । मृत्यु हुनेमा मोटरसाइकल चालक निजगढ नगरपालिका–१३ का २५ वर्षीय सुरेन्द्र घलान रहेका छन् ।
घलानको घटनास्थलमै मृत्यु भएको प्रहरीले जनाएको छ । दुर्घटनामा मोटरसाइकलको पछाडी बसेका ४२ वर्षीय रामबहादुर बम्जन घाइते भएका छन् । बम्जनको वीरगन्जमा उपचार भईरहेको छ ।
रतनपुरबाट निजगढतर्फ आउँदै गरेको प्र२–०३–००६प २७८० नम्बरको मोटरसाइकल मंगलबार बिहान अनियन्त्रित भएर सडक छेउको रुखमा ठोक्किएको थियो ।
