सिमरामा स्कोरपियोले मोटरसाइकललाई ठक्कर दिँदा दुई युवक घाइते
सिमराः बाराको सिमरास्थित सूर्य नेपाल अगाडि केहीबेर अघि स्कोरपियोले मोटरसाइकललाई ठक्कर दिँदा दुई युवक घाईते भएका छन् । घाइतेलाई उपचारका लागि बयोधा अस्पताल लगिएको छ ।
ईलाका प्रहरी कार्यालय सिमराका प्रहरी नायब उपरीक्षक चिरिञ्जिवी दाहालका अनुसार घाइते दुवैको अवस्था गम्भीर छ । घाइतेको परिचय खुल्न बाँकी रहेको दाहालले जानकारी दिए ।
प्रहरीले स्कोरपियो र चालकलाई नियन्त्रणमा लिएको छ । घटनाको थप विवरण आउन बाँकी छ ।
