धारिलो हतियार प्रहार गरि महागढीमाईमा एकको हत्या
सिमरा: बारामा शनिबार राती धारिलो हतियार प्रहार गरि एक जनाको हत्या गरिएको छ । महागढीमाई नगरपालिका १ नैकाटोलमा स्थानीय ५० वर्षीय श्रीनारायण यादवको हत्या भएको हो ।
बजारबाट घर फर्कदै गर्दा धारिलो हतियार प्रहार गरि यादवको हत्या भएको बाराका प्रहरी प्रवक्ता प्रकाश सापकोटाले जानकारी दिए । हत्या गर्नेको पहिचान खुलेको छैन ।
प्रहरी प्रवक्ता सापकोटाले हत्या गर्ने व्यक्तिको खोजी भइरहेको बताए । मृतकको शव कलैया अस्पतालमा राखिएको छ ।
