लायन्स क्लब अफ वीरगन्ज कुटुम्बद्धारा साडी वितरण
सिमराः छठ पर्वको अवसरमा लायन्स क्लब अफ वीरगञ्ज कुटुम्बले सोमबार विपन्न महिलाहरुलाई साडी वितरण गरेको छ ।
वीरगञ्जस्थित नेशनल मेडिकल कलेजको त्रिशुल चोकमा कार्यक्रम आयोजना गरी क्लबले साडी वितरण गरेको हो ।
लायन्स क्लब अफ वीरगञ्ज कुटुम्बका अध्यक्ष रिना रौनियारले विपन्न परिवारका महिलालाई पर्व मनाउन सहयोग पुग्ने उद्देश्यले साडी वितरण गरिएको जानकारी दिइन् ।
कार्यक्रममा लायन्स क्लबका विभिन्न पदाधिकारी तथा सदस्यहरुको उपस्थिति रहेको थियो । कार्यक्रममा लायन्स क्लबका भाईस डिस्ट्रिक गभर्नर रामबिहारी पाण्डे, एरिया ३ का चिफ श्याम गुप्ता, लायन बिजया ओझैया, संगीता प्याखुरेल, स्वेता क्षेत्री, रचना प्याखुरेल र लायन प्रीती रौनियारलगायतको उपस्थिती रहेको थियो ।
