नितनपुरमा मोटरसाइकल दुर्घटना हुँदा एकको मृत्यु
सिमराः बाराको नितनपुरमा बिहीबार दिउँसो मोटरसाइकल दुर्घटना हुँदा एक युवकको मृत्यु भएको छ । दुर्घटनामा अन्य दुई घाइते भएका छन् ।
मृत्यु हुनेमा मोटरसाइकल चालक वीरगन्ज महानगरपालिका १० विन्दावासिनीका २० वर्षीय राज मियाँ रहेका छन् । उनको उपचारका क्रममा एलएस न्यूरो अस्पतालमा मृत्यु भएको बारा प्रहरीले जनाएको छ ।
दुर्घटनामा पर्सा बहुदरमाई नगरपालिका ६ भवराटारका १७ वर्षी महबुब मियाँ र वीरगन्ज महानगरपालिका १० केहुनियाका १६ वर्षीय बिक्की यादव घाईते भएका छन् । उनिहरुको एलएस न्यूरो अस्पतालमा उपचार भईरहेको छ ।
जीतपुरबाट वीरगन्जतर्फ जाँदै गरेको मधेश प्रदेश ०३–०२८प ३९०९ नम्बरको मोटरसाइकल जीतपुरसिमरा उपमहानगरपालिका १० नितनपुरस्थित शिवशक्ती पेट्रोलपम्प अगाडि अनियन्त्रित भई सडक छेउको रेलिङमा ठोक्किएको थियो । प्रहरीका अनुसार मोटरसाइकलमा तीन जना सवार थिए ।
