लागूऔषधसहित वीरगन्जबाट एक युवक पक्राउ
सिमराः प्रतिबन्धित लागूऔषधसहित पर्सा प्रहरीले वीरगन्जबाट एक युवकलाई पक्राउ गरेको छ । पक्राउ पर्नेमा वीरगन्ज महानगरपालिका २५ का २३ वर्षीय राजमहमद देवान रहेका छन् ।
उनलाई एक हजार एक सय ९५ थान नुरफिन, एक हजार दुई सय थान डाइजेमाप र एक हजार एक सय ८५ थान फेनारगनसहित गण्डकबाट नियन्त्रणमा लिएको हो । वीरगन्जबाट काठमाडौंतर्फ जाँदै गरेको बागमती प्रदेश ०३–००१ख २६६६ नम्बरको यात्रुबाहक बसलाई रोकी जाँच गर्ने क्रममा देवानको साथबाट उक्त लागूऔषध बरामद भएको पर्साका प्रहरी प्रवक्ता दीपक भारतीले जानकारी दिए ।
देवानले सेतो बोराभित्र ब्लांकेटभित्र लुकाएर लैजान लागेको अवस्थामा बरामद भएको र उनलाई लागूऔषध कसुरमा अनुसन्धान थालिएको प्रवक्ता भारतीले बताए ।
