भोजपुरी गायक प्रमोद जख्मीको ‘नाच नाच रे नाच’ को म्युजिक भिडियो आउँदै
सिमराः भोजपुरी गायक प्रमोद जख्मीको स्वर रहेको ‘नाच नाच रे नाच’ बोलको गीतको म्युजिक भिडियो आउने भएको छ । जख्मीले आवाज दिएको उक्त गीतको भिडियो कार्तिक ३० गते शुक्रबार सार्वजनिक हुन लागेको हो ।
आमोद गुप्ताको शब्द र दिल्लीका सतेन्द्र जीको संगीत रहेको उक्त भिडियोको निर्देशन अस्विन चौधरीले गरेका हुन् । वीरगन्जमा छायांकन गरिएको भिडियोमा धिरु भाइ र रेविका नेपालीको अभिनय रहेको छ ।
दिल्लीको भिएस रेकर्ड्समा रेकर्ड गरिएको उक्त गीतको भिडियोको छायांकन र सम्पादन अजय चौधरीले गरेका हुन् । उक्त भिडियो कार्तिक ३० गते बिहान ६ः३० मा धिरुभाई ९०७६ नामक युट्युब च्यानलबाट सार्वजनिक हुने बताइएको छ ।
धिरुभाइको युट्युब च्यानलमा दुई लाख ३८ हजार सस्क्राइबर र इन्स्टाग्राममा दुई लाख ५२ हजार फलोअर्स छन् ।
