सिंगोल क्वाटरफाइनलमा प्रवेश
सिमराः सिंगोल फूटबल क्लब जीतपुरसिमरा १६ मा जारी महेन्द्रनगर नकआउट फूटबल प्रतियोगिताको क्वाटरफाइनलमा प्रवेश गरेको छ ।
महेन्द्रनगर खेल मैदानमा आइतबार भएको खेलमा सिंगोलले आयोजकको ‘बी’ टिमलाई २–० ले पराजित गरेको हो ।
प्रतियोगिता अन्तर्गत सोमबार जेवासिसि डुमरवाना र योङ ब्वाई शान्ति टोलबीच खेल हुनेछ । महेन्द्रनगर युथ क्लबको आयोजनामा जारी प्रतियोगिताको विजेताले ५० हजार र उपविजेताले २५ हजार नगद प्राप्त गर्नेछन् ।
