नगवा तेक्वान्दो डोजाङको ग्रेडिङ परीक्षा सम्पन्न
सिमरा: वीरगन्जस्थित नगवा तेक्वान्दो डोजाङको आयोजनामा जुनीयर ग्रेडिङ परीक्षा सम्पन्न भएको छ । ग्रेडिङमा १८ पुरुष र दुई महिला खेलाडी सहभागी थिए ।
वीरगन्जको नारायणी रंगशालामा डोजाङका प्रमुख एवम् तेक्वान्दो प्रशिक्षक नाजिर हुसेनको अध्यक्षता तथा नेपाल तेक्वान्दो संघ मधेश प्रदेश कार्यसमिती महासचिव राजकुमार लामाको विशेष उपस्थीतिमा ग्रेडिङ सम्पन्न भएको हो ।
ग्रेडिङमा पर्साका सिनियर खेलाडी नगोल किशोर साह , बिक्रान्त डंगोल समेत उपस्थित थिए । ग्रेडिङको सहजीकरण आसीफ हुसेन र रुपेश पटेलले गरेका थिए ।
