नरेश सर्राफ स्मृति पत्रकारिता पुरस्कार पटेललाई
सिमराः स्वर्गीय पत्रकार नरेश सर्राफको स्मृतिमा स्थापित ‘नरेश सर्राफ स्मृति पत्रकारिता पुरस्कार’ पत्रकार मनोज पटेललाई प्रदान गरिने भएको छ ।
समाजवादी प्रेस संगठन नेपाल पर्साको बुधबार बसेको बैठकले यस वर्षको पुरस्कार पटेललाई प्रदान गर्ने निर्णय गरेको हो । पटेल नेपाल पोष्ट डेलीका सम्पादक हुन् ।
पत्रकारिता पुरस्कार वितरणका लागि गठित छनौट समितिले पटेललाई उक्त पुरस्कार प्रदान गर्न सिफारिस गरेको प्रेस संगठनका सहसचिव श्याम सर्राफले जानकारी दिए । २१ हजार नगद राशी रहेको पुरस्कार संगठनले मंसिर १६ गते आयोजना गर्ने दोस्रो स्मृति सभामा प्रदान गरिनेछ ।
