क्रियटिभ जीतपुरसिमरा भेट्रान फूटबलः सेमिफाइनल समिकरण पुरा
सिमराः सिमरामा जारी क्रियटिभ प्रथम जीतपुरसिमरा भेट्रान कप फूटबल प्रतियोगिताको सेमिफाइनलको समिकरण पूरा भएको छ । सिमरा रंगशालमा बिहीबार भएको खेलमा जित हात पार्दै डुमरवाना, झापा, निजगढ र वीरगन्ज सेमिफाइनलमा प्रवेश गरेका हुन् ।
पहिलो खेलमा डुमरवाना भेट्रानले युनाईटेड भेट्रान क्लब हेटौडालाई ३–१ ले पराजित गरेको हो । डुमरवानाका विश्वास साह प्लेयर अफ दि म्याच घोषित भए ।
यसैगरी दोस्रो खेलमा प्ले टुगेदर झापाले पथलैया भेट्रानलाई ४–१ ले पराजित गरेको छ । तेस्रो खेलमा निजगढ भेट्रानले नागस्वोती भेट्रान हेटौंडालाई १–० ले पन्छाएको छ भने चौथो खेलमा युनिटी युथ भेट्रानले वीरगन्ज युथ भेट्रानलाई ५–० ले पराजित गरेको हो । युनिटी युथका हेमन्त चौरसिया प्लेयर अफ दि म्याच घोषित भए ।
प्रतियोगिता अन्तर्गत शुक्रबार दिउँसो १२ बजे डुमरवाना भेट्रान र झापाबीच खेल हुनेछ । यसैगरी दिउँसो २ बजे हुने खेलमा निजगढ र युनिटी युथ वीरगन्ज भिड्नेछन् ।
नव जनजागृति भेट्रान क्लबको आयोजनामा जारी प्रतियोगिताको विजेताले एक लाख र उपविजेताले ५० हजार नगद प्राप्त गर्नेछन् ।
