पथलैया नकआउट फूटबलः एनजेजेभीसी सेमिफाइनलमा प्रवेश
सिमराः नव जनजागृति भेट्रान क्लब (एनजेजेभीसी) पथलैयामा जारी नकआउट फूटबल प्रतियोगिताको सेमिफाइनलमा प्रवेश गरेको छ । गैरी खेल मैदानमा बुधवार सम्पन्न तेस्रो क्वाटरफाइनल खेलमा हुलास फूटबल क्लब विरुद्ध १–० को जित निकाल्दै एनजेजेभीसी अन्तिम चारमा प्रवेश गरेको हो ।
एनजेजेभीसीका लागि कैमुल्ला मियाँले निर्णायक गोल गरेका थिए । खेलको प्लेयर अफ दि म्याच एनजेजेभीसीका गोलरक्षक देवानन्द धामी घोषित भए । धामीलाई मुनसाईन टेक्नोलोजी प्रालिका अध्यक्ष जीवन थापाले पुरस्कृत गरेका थिए ।
प्रतियोगिता अन्तर्गत बिहीबार रामवन खुनाटोल र औराह एफसीबीच चौथो क्वाटरफाइनल खेल हुनेछ । यसअघि थानीमाई फूटबल क्लब र चकरी फूटबल क्लबले अन्तिम चारमा स्थान सुरक्षीत गरिसकेका छन् ।
दिब्य ज्योती युवा क्लबको आयोजनामा जारी प्रतियोगिताको विजेताले २५ हजार र उपविजेताले १५ हजार नगद प्राप्त गर्नेछ । प्रतियोगितामा १६ वटा टिमको सहभागिता रहेको थियो ।
