जनकपुर बोल्ट्सका समर्थकलाई कुटपिट गरेको आरोपमा दुई जना पक्राउ
सिमराः जनकपुर बोल्ट्स र सुदूरपश्चिम रोयल्सबिच नेपाल प्रिमियर लिग क्रिकेटको फाइनल खेल सकिएपछि युवकलाई कुटपिट गर्ने दुई जनालाई प्रहरीले पक्राउ गरेको छ ।
पक्राउ पर्नेमा अशोक साउद र गणेश साउद रहेका प्रहरीले जनाएको छ ।
शनिवार त्रिभुवन विश्वविद्यालयको गेट नजिकै एउटा समूहले सर्लाहीको बलरा घर भएका अमनकुमार सिंहमाथि आक्रमण भएको थियो । आक्रमणबाट उनको दुवै हात तथा शरिरको विभिन्न भागमा चोट लागेको छ ।
जनकपुर बोल्ट्सका समर्थक अमन कुमारमाथि नश्लिय साम्प्रदायिक दुव्र्यवहार गरेको आरोप छ । घटनाबारे प्रहरी वृत्त कीर्तिपुरले अनुसन्धान गरिरहेको छ ।
