नेवाः देय दबुः जीतपुरसिमराको नगर अधिवेशन सम्पन्न, १३ सदस्यीय नगर कमिटी चयन
सिमराः नेवाः देय दबुः जीतपुरसिमराको प्रथम नगर अधिवेशन बुधबार सिमरामा सम्पन्न भएको छ । अधिवेशनले दिलबहादुर श्रेष्ठको नेतृत्वमा १३ सदस्यीय नगर कमिटी सर्वसम्मत् चयन गरेको छ ।
कमिटीको वरिष्ठ उपाध्यक्षमा जीवन श्रेष्ठ, उपाध्यक्षमा मनोज श्रेष्ठ, महिला उपाध्यक्षमा पार्वती श्रेष्ठ, सचिवमा किशोरकुमार श्रेष्ठ, महिला सचिवमा छलु श्रेष्ठ, कोषाध्यक्षमा रिता श्रेष्ठ रहेका छन् । यसैगरी सदस्यमा नारायणराज वैद्य, सूर्यलाल श्रेष्ठ, आशिष श्रेष्ठ, गणेशबहादुर श्रेष्ठ, राजाराम श्रेष्ठ र बालकुमार श्रेष्ठ चयन भएका छन् । जीतपुरसिमरा उपमहानगरपालिकाको २४ वटै वडा कमिटीका अध्यक्ष नगर कमिटीको पदेन सदस्य रहनेछन् ।
नेवाः देय दबुः बाराका वरिष्ठ उपााध्यक्ष एवम् जीतपुरसिमरा नगर कमिटीको तदर्थ समितिका संयोजक राजकुमार मानन्धरको अध्यक्षतामा र मधेश प्रदेश उपाध्यक्ष मनमोहन सुन्दर श्रेष्ठको प्रमुख आतिथ्यतामा अधिवेशन सम्पन्न भएको हो ।
अधिवेशनमा जिल्ला कमिटी अध्यक्ष शिवकुमार श्रेष्ठ, जीतपुरसिमरा २१ का वडाध्यक्ष सुवास श्रेष्ठ, जीतपुरसिमरा २ का वडाध्यक्ष धनबहादुर श्रेष्ठ, पूर्व जिल्ला कमिटी अध्यक्ष अमृतलाल श्रेष्ठ, रामदास धौजुलगायतको उपस्थिती रहेको थियो ।
