खराब मौसमका कारण सिमरा विमानस्थलको सबै उडान रद्द
सिमराः मौसम सफा नभएका कारण सिमरा विमानस्थल बुधबार दोस्रो दिन पनि ठप्प भएको छ । यसअघि बाक्लो हुस्सुका कारण मंगलबार पनि विमानस्थल संचालनमा आउन सकेको थिएन ।
बाक्लो हुस्सुले भिजिविलिटी कम भएपछि विमानस्थल ठप्प भएको हो । सिमरा विमानस्थलबाट बुद्ध एयर र यति एयरलाईन्सले नियमित उडान गर्दै आएका छन् । तर मौसमका कारण विमानस्थलका सबै उडान प्रभावित बनेका छन् ।
