मधेश प्रदेशका स्वास्थ्य मन्त्री सवार गाडी दुर्घटना
सिमरा: मधेश प्रदेशका स्वास्थ्य तथा जनसंख्यामन्त्री शत्रुधनप्रसाद सिंह सवार गाडी सोमबार बेलुका दुर्घटना भएको छ । जनकपुरधामको रामानन्द चोकमा मन्त्री सिंह सवार मधेश प्रदेश ०२-००१झ ०१६५ नम्बरको गाडी दुर्घटनामा परेको हो ।
मन्त्री सिंह सवार गाडी र खानेपानी डिभिजन पर्साको मधेश प्र.०३-००१झ ००९६ नम्बरको गाडी ठोक्किएर दुर्घटना भएको हो ।
पिरारी चोकबाट रामानन्द चोकमातर्फ जाँदै गरेको मन्त्री सवार गाडीलाई सोही दिशाबाट जाँदै गरेको खानेपानी डिभिजनको गाडीले ठक्कर दिएको धनुषाका प्रहरी प्रवक्ता बरुणबहादुर सिंहले जानकारी दिएका छन् ।
दुर्घटनामा मन्त्री सिंहसँगै दुवै गाडीका चालक घाइते भएका छन् । उनीहरूको प्रादेशिक अस्पताल जनकपुरमा उपचार भइरहेको छ ।
