रौतहटमा खैरो हेरोइनसहित एक जना पक्राउ
रौतहटः लागूऔषध खैरो हेरोइनसहित रौतहटबाट एक जना पक्राउ परेका छन् ।
पक्राउ पर्नेमा रौतहटको चन्द्रपुर नगरपालिका ४ का ३४ वर्षीय प्रचण्डबहादुर थापा रहेका प्रहरीले जनाएको छ । ईलाका प्रहरी कार्यालय चन्द्रनिगाहपुरको टोलीले उनको साथबाट एक ग्राम खैरो हेरोइन (ब्राउन सुगर) बरामद गरेको प्रहरीको भनाई छ ।
पक्राउ परेकामाथि लागूऔषधसम्बन्धी मुद्दामा आवश्यक अनुसन्धान अघि बढाएको प्रहरीले जनाएको छ ।
