प्राविधिक तालिम शिक्षालय बारा पथलैयाद्वारा रक्तदान कार्यक्रमको आयोजना, ५९ जनाले गरे रक्तदान
सिमराः २४ औं सशस्त्र प्रहरी दिवसको अवसरमा सशस्त्र प्रहरी बल नेपाल, प्राविधिक तालिम शिक्षालय बारा पथलैयाले बुधबार रक्तदान कार्यक्रमको आयोजना गरेको छ ।
उक्त कार्यक्रममा एक महिला सहित ५९ जनाले रक्तदान गरेका छन् । प्राविधिक शिक्षालयका सशस्त्र प्रहरी उपरीक्षक इञ्जिनियर सञ्जय कुमार मण्डलले रगत दान गरेर शुभारम्भ गरेका थिए ।
कार्यक्रममा प्रकाश पाण्डे, सरोज ढकाल, सीमा गुरुङ, मदन राना, राम बहादुर राई, अनिल विक, अनुज प्रसाद चौरसिया, सविन राई, पशुपति विक लगायत ५९ जनाले रक्तदान गरेको रक्तसञ्चार केन्द्र वीरगन्जका प्राविधिक जितेन्द्र कुश्वाहले जानकारी दिए ।
बुधबार २४ औं सशस्त्र प्रहरी दिवस मनाईदै छ । सशसत्र प्रहरी दिवसको अवसरमा यसअघि १३ नम्बर गण हेडक्वार्टर पर्सा, ४० नम्बर रिजर्भ गण पिलुवा लगायतमा पनि रक्तदानको आयोजना गरेको थियो ।
