प्रेस चौतारीमा प्रवेश गरे पत्रकार महासंघ बाराका अध्यक्ष सुवेदी, चौतारीद्धारा महासंघमा निर्वाचित पदाधिकारी र सदस्य सम्मानित
सिमराः समाजवादी प्रेस संगठन परित्याग गरी प्रेस चौतारी नेपालमा फर्किएका नेपाल पत्रकार महासंघ बाराका अध्यक्ष रमेश सुवेदीलाई प्रेस चौतारी नेपाल बाराले शुक्रबार स्वागत गरेको छ ।
नेपाल पत्रकार महासंघ बाराको सभाहलमा आयोजित जिल्ला भेलामा चौतारीले अध्यक्ष सुवेदीलाई स्वागत गरेको हो । सुवेदी प्रेस संगठन परित्याग गरी आफ्नो पुरानै संगठन प्रेस चौतारीमा प्रवेश गर्ने घोषणा गरेका थिए ।
सुवेदीलाई नेकपा एमालेका मधेस प्रदेश सचिव मनोज पौडेल, नेकपा एमाले बाराका अध्यक्ष अध्यानन्द पाण्डे, प्रेस चौतारी नेपालका केन्द्रीय सचिव कमलकुमार उपाध्यायलगायतले संगठनमा स्वागत गरेका हुन् ।
यसैगरी चौतारीले मंसिर २८ गते सम्पन्न निर्वाचनमा पत्रकार महासंघको विभिन्न तहमा निर्वाचित पदाधिकारी र सदस्यलाई सम्मान गरेको छ । प्रेस चौतारी नेपालबाट उम्मेदवार रहि निर्वाचित भएका पदाधिकारी र सदस्यलाई सम्मान गरेको हो ।
सम्मानित हुनेमा नेपाल पत्रकार महासंघ मधेस प्रदेशका कोषाध्यक्ष अनिल गौरव, मधेस प्रदेश सदस्य प्रकाश श्रेष्ठ, बृजमोहन कुशवाहा, जियालाल चौधरी, सविता अर्याल, बारा उपाध्यक्ष पन्नालाल दास, सचिव पुष्पराज खतिवडा, सहसचिव इन्दीप कोईराला, सहसचिव दुष्यन्त चौधरी, सदस्य जिउतप्रसाद यादव, प्रलाद तिमिल्सिना, नविन चौधरी, धिरेन्द्र तिवारी, तुलसा घिमिरे रहेका छन् ।
कार्यक्रममा नेपाल पत्रकार महासंघको केन्द्रीय परिषद सदस्यमा निर्वाचित गोकुल घोरसाईने, कमलकुमार उपाध्याय, लक्ष्मी साह, प्रदेश परिषद सदस्य भोलानाथ पौडेल, श्याम गुप्ता, मनोज साह, सिकिन्द्र साह, लक्ष्मी पाण्डेलाई समेत सम्मान गरिएको थियो ।
प्रेस चौतारी नेपाल बाराका अध्यक्ष दिवाकर भण्डारीको अध्यक्षतामा सम्पन्न कार्यक्रममा नेकपा एमाले मधेस प्रदेशका सचिव मनोज पौडेल, एमाले बाराका अध्यक्ष अध्यानन्द पाण्डे, प्रेस चौतारी नेपालका केन्द्रीय सचिव कमलकुमार उपाध्याय, केन्द्रीय सदस्य अच्युत पौडेल, प्रदेश उपाध्यक्ष अनिल तिवारी, नेपाल पत्रकार महासंघ मधेस प्रदेशका कोषाध्यक्ष अनिल गौरव, नेपाल पत्रकार महासंघ बाराका अध्यक्ष रमेश सुवेदी, उपाध्यक्ष पन्नालाल दासले शुभकामना मन्तव्य राखेका थिए ।
जिल्ला भेला तथा सम्मान कार्यक्रमको सहजीकरण प्रेस चौतारी नेपाल बाराकी उपाध्यक्ष निलिसा बर्माले गरेकी थिईन् भने स्वागत मन्तव्य तुलसा घिमिरेले राखेकी थिईन् ।
प्रेस चौतारी बाराको जिल्ला अधिवेशन माघ २६ गते हुने
प्रेस चौतारी नेपाल बाराको शुक्रबार बसेको कार्यसमितिको बैठकले छैठौं जिल्ला अधिवेशन माघ २६ गते निजगढमा गर्ने निर्णय गरेको छ । चौतारी बाराका अध्यक्ष दिवाकर भण्डारीको अध्यक्षतामा बसेको बैठकले माघ अन्तिम साता अधिवेशन गर्ने निर्णय गरेको हो ।
अधिवेशनका लागि बैठकले विभिन्न उपसमिति चयन गरेको छ । प्रेस चौतारी बाराको जिल्ला कार्यसमिति र उपसमितिले अधिवेशनको तयारी गर्नेछ ।
यसैगरी बैठकले वीरेन्द्र साह स्मृति क्रियाशिल पत्रकारिता पुरस्कार वितरणका लागि जिल्ला अध्यक्ष भण्डारीको नेतृत्वमा छनौट समिति समेत चयन गरेको छ ।
