बारा प्रहरीद्वारा स्रोत नखुलेको १० लाख रुपैयाँ सहित दुई जना पक्राउ
सिमराः जीतपुरसिमरा उपमहानगरपालिका १६ पैनी टोलस्थित सडकबाट स्रोत नखुलेको नगद १० लाख रुपैयाँ सहित २ जनालाई सोमबार राति प्रहरीले पक्राउ गरेको छ ।
पक्राउ पर्नेहरूमा पर्सा सखुवाप्रसौनी गाउँपालिका १ दोहरी टोलका ३२ वर्षीय अनिल पटवारी थारू र वीरगन्ज महानगरपालिका १५ लक्ष्मनवाका ३१ वर्षीय ओम प्रकाश यादव रहेका छन् ।
इलाका प्रहरी कार्यालय सिमरा र अस्थायी प्रहरी पोस्ट डुमरवानाबाट खटिएको प्रहरी टोलीले कलैयाबाट मोरङ विराटनगरतर्फ जाँदै गरेको म.प्र.०३–००१ च ८०७३ नम्बरको पिकअप गाडीलाई जाँच गर्दा गाडीको सिट मुनी लुकाई छिपाई राखेको अवस्थामा उक्त नगद फेला परेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
