पर्सा प्रहरीद्वारा ६ कठ्ठा जग्गामा गरिएको गाँजा खेती नष्ट
सिमराः पर्सा प्रहरीले ग्रामीण क्षेत्रमा गरिएको गाँजा खेती फडानी गरी नष्ट गरेको छ ।
प्रहरीले पटेर्वा सुगौली गाउँपालिका २ थरकट्टी क्षेत्रमा ६ कठ्ठा जग्गामा लगाइएको गाँजा फडानी गरेर नष्ट गरेको हो । ईलाका प्रहरी कार्यालय पटेर्वा सुगौलीका प्रहरी निरीक्षक प्रकाश थापाको कमान्डमा खटिएको टोलीले करिब ३२ सय गाँजाका बोट फडानी गरी नष्ट गरेको हो ।
हालसम्म गाँजा खेती गर्ने व्यक्तिको पहिचान हुन नसकेको प्रहरीले जनाएको छ । विगत केहि समयदेखि प्रहरीले अवैध रुपमा गरिएको गाँजा खेती फाडेर नष्ट गर्दै आएको छ ।
