डुमरवाना बहुमुखी क्याम्पसको वार्षिकोत्सव तथा स्थापना दिवस कार्यक्रम सम्पन्न
सिमराः जीतपुरसिमरा उपमहानगरपालिका १५ स्थित डुमरवाना बहुमुखी क्याम्पसको १७औं वार्षिकोत्सव तथा १८औं स्थापना दिवस कार्यक्रम विहीबार सम्पन्न भएको छ ।
कार्यक्रमको उद्घाटन बारा क्षेत्र नं. ४ का सांसद एवम् पूर्वमन्त्री कृष्णकुमार श्रेष्ठ (किसान) ले गरेका थिए । कार्यक्रमको उद्घाटन गर्दै सांसद श्रेष्ठले प्राविधिक क्याम्पस संचालनका निम्ति सरकारी तहबाट जग्गा उपलब्ध नभए आफूले दुई विगाह जमिन दिने घोषणा गरेका छन् ।
कार्यक्रममा बारा क्षेत्र नं. ३ का पूर्वसांसद रामबाबुकुमार यादव, मधेस विश्वविद्यालयका उपकुलपति डा. दीपक शाक्य, जीतपुरसिमरा उपमहानगरपालिकाका नगर उपप्रमुख भोलाप्रसाद अधिकारी, डा. बद्रिराज पाण्डे, कृषि अनुसन्धान केन्द्र परवानीपुरका प्रमुख डा. विपी यादव, क्याम्पस प्रमुख राधेश्याम शिवाकोटीलगायतको उपस्थिती रहेको थियो ।
कार्यक्रममा क्याम्पस निर्माण र संचालनमा सहयोग गर्ने दातालाई सम्मान गरिएको थियो भने वार्षिकोत्सवका अवसर पारेर आयोजना गरिएको खेलकुद प्रतियोगिताको विजेता तथा उपविजेता छात्रछात्रालाई पुरस्कृत गरिएको थियो ।
क्याम्पस संचालक समितिका अध्यक्ष पलटप्रसाद चौधरीको अध्यक्षता सम्पन्न कार्यक्रमको सहजीकरण रञ्जित सापकोटाले गरेका थिए ।
