राष्ट्रिय विभूतिको २३औं वार्षिकोत्सव तथा अभिभावक दिवस कार्यक्रम सम्पन्न
सिमराः डुमरवानास्थित राष्ट्रिय विभूति सामुदायिक शिक्षा सदनको २३औं वार्षिकोत्सव तथा अभिभावक दिवस कार्यक्रम शनिबार सम्पन्न भएको छ । कार्यक्रमको जीतपुरसिमरा उपमहानगरपालिकाकी प्रमुख प्रशासकीय अधिकृत उर्मिला काफल्ले उद्घाटन गरेकी थिईन् ।
विद्यालयमा आयोजित कार्यक्रममा ईलाका प्रहरी कार्यालय सिमराकी प्रहरी नायब उपरीक्षक शुभद्रा लामा वाइवा, डुमरवाना बहुमूखी क्याम्पसका प्रमुख राधेश्याम शिवाकोटी, जीतपुरसिमरा १५ का वडाध्यक्ष रामप्रसाद लामिछाने, एन प्याब्सनका केन्द्रीय सदस्य रामप्रसाद अधिकारी, जीतपुरसिमरा नगर उद्योग वाणिज्य संघका अध्यक्ष मोहन शर्मा लामिछाने, जनता माध्यमिक विद्यालय रजघट्टाका प्रधानाध्यापक राजुप्रसाद अधिकारी, विभूति एजुकेशन नेटवर्कका निर्देशक श्यामप्रसाद भट्टराईलगायतको उपस्थिती रहेको थियो ।
वार्षिकोत्सव समारोहका अवसरमा विद्यालयले उत्कृष्ट कर्मचारीलाई पुरस्कृत र सामाजिक क्षेत्रमा योगदान पुर्याउने व्यक्तिलाई सम्मान गरेको थियो भने विद्यालयका छात्रछात्राले सांगीतिक प्रस्तुति राखेका थिए । वार्षिकोत्सवका अवसरमा विद्यालयले खेलकुदसहित विभिन्न रचनात्मक कार्यक्रम समेत गर्दै आएको थियो ।
राष्ट्रिय विभूति सामुदायिक शिक्षा सदनका अध्यक्ष विदुर खड्काको अध्यक्षतामा सम्पन्न कार्यक्रमको सहजीकरण प्रिन्सिपल किशोर श्रेष्ठले गरेका थिए ।
