कांग्रेसको वडा समिति सदस्य एमालेमा प्रवेश
सिमराः नेपाली कांग्रेस जीतपुरसिमरा उपमहानगरपालिका वडा नं. २४ का वडा समिति सदस्य मुहमत अंसारी नेकपा एमालेमा प्रवेश गरेका छन् । कलैयास्थित एमालेको पार्टी कार्यालय पुगेर अंसारी एमालेमा प्रवेश गरेका हुन् ।
एमाले बाराको लेखा समिति बैठकको तयारी हुँदै गर्दा पार्टी कार्यालय पुगेका अंसारीलाई एमाले केन्द्रीय सदस्य बलवीर चौधरी, एकबाल मिया, एमाले मधेस प्रदेश कमिटी सदस्य एवम् मधेस प्रदेशसभा सदस्य रवीन्द्रदास श्रेष्ठ, जिल्ला अध्यक्ष अध्यानन्द पाण्डेलगायतले स्वागत गरेका थिए ।
बैठकमा सहभागी हुन एमाले उपसचिव जवाहिर अंसारी, लेखा समिति संयोजक रमेशकुमार सापकोटा, सचिव निर्मला बस्नेत, सचिवालय सदस्य शर्मा बैठालगायतका नेता पार्टी कार्यालय पुगेका थिए ।
