पर्सा तेक्वान्दो संघको वार्षिक साधारणसभा सम्पन्न, चार खेलाडी सम्मानित


eShilalekh

२ चैत्र २०८१, शनिबार १४:५१

सिमराः पर्सा जिल्ला तेक्वान्दो संघको वार्षिक साधारणसभा सम्पन्न भएको छ । होली पर्वको अवसर पारेर संघले होली मिलन समारोह र वार्षिक साधारणसभा संयुक्तरुपमा आयोजना गरेको हो ।

साधारणसभाको उद्घाटन समारोहमा संघले नवौं राष्ट्रिय खेलकुदमा मधेस प्रदेशबाट सहभागिता जनाई पदक हासिल गर्ने चार खेलाडी र प्रशिक्षकलाई सम्मान गरेको थियो । सम्मानित हुनेमा खेलाडीमा शोयब अख्तर, अफताब आलम, विक्रान्त ढंगोल र विकास तामाङ्ग रहेका छन् भने प्रशिक्षकमा नाजिर हुसेन छन् ।

संघका अध्यक्ष गणेश श्रेष्ठको अध्यक्षतामा तथा संघका प्रदेश महासचिव राजकुमार लामाको प्रमुख आतिथ्यतामा सम्पन्न साधारणसभामा खेलकुद विकास समिति पर्साका अध्यक्ष नारिज हुसेन, पूर्वअध्यक्ष बिजय शाह ठकुरी, संघका सल्लाहकार निशान्त लामिछाने, उपाध्यक्ष वीरेन्द्रबहादुर कुर्मी, सचिव कुमार मानन्धरलगायतको उपस्थिती रहेको थियो । कार्यक्रमको सहजीकरण कोषाध्यक्ष रोशनी श्रेष्ठले गरेकी थिईन् ।

प्रतिक्रिया दिनुहोस्