राष्ट्रिय विज्ञापन संघको सचिवमा निरौला चयन
सिमरा: राष्ट्रिय विज्ञापन संघ नेपालको सचिवमा नेपाल मिडिया हाउसका अध्यक्ष नवराज निरौला चयन भएका छन् । काठमाडौंमा सम्पन्न पहिलो अधिवेशनबाट निरौला सचिवमा निर्वाचित भएका हुन् ।
बारामा रहेर लामो समय सक्रिय पत्रकारिता गरेका निरौला पछिल्लो समय काठमाडौंमा बस्दै आएका छन् । उनी टुडे दैनिकका संचालक हुन् ।
अधिवेशनले प्रदीपप्रसाद कोइरालाको नेतृत्वमा गठन गरेको १४ सदस्यीय कार्यसमितिको प्रथम उपाध्यक्षमा अमृतकुमार पन्थी, आशिष खड्का, महासचिवमा बिमल खड्का, कोषाध्यक्षमा अरुण आर्याल र सहकोषाध्यक्षमा चन्द्रकान्ता अवस्थी चयन भएका छन् ।
कार्यसमितको सदस्यमा बसन्त योगी, रवि अर्याल, राधाकुमारी ढकाल रोजी, अनुप अधिकारी, कुलराज भट्टराई, सविन पोखरेल, अदिप पाठक निर्वाचित भएको प्रमुख निर्वाचन अधिकृत अधिवक्ता प्रदीप सत्यालले जानकारी दिए ।
अधिवेशनको संचारमन्त्री पृथ्वीसुब्बा गुरुङले उदघाटन गरेका थिए ।
