सर्लाहीमा गाँजासहित ७६ वर्षीय वृद्ध पक्राउ
सर्लाहीः प्रहरीले सर्लाहीको बागमतीबाट बुधबार लागुऔषध गाँजासहित एक वृद्धलाई पक्राउ गरेको छ । पक्राउ पर्नेमा बागमती नगरपालिका १२ बथाने टोलका ७६ वर्षीय मानबहादुर बल रहेका छन् ।
विशेष सूचनाको आधारमा ईलाका प्रहरी कार्यालय कर्मैयाबाट प्रहरी नायब निरीक्षक सुभाष यादव र ईलाका प्रहरी कार्यालय हरिवनबाट प्रहरी निरीक्षक किशोर तामाङको नेतृत्वमा खटिएको प्रहरी टोलीले बललाई पक्राउ गरेको हो ।
घरमा लागुऔषध गाँजा लुकाइछिपाइ राखेर बिक्री वितरण गर्ने प्राप्त सूचनाका आधारमा बलको घर खानतलासी गर्दा लुकाएर राखिएको १६ किलो ५०० ग्राम गाँजा बरामद भएको प्रहरीले जनाएको छ ।
बरामद गाँजासहित बललाई नियन्त्रणमा लिई थप अनुसन्धान भइरहेको ईलाका प्रहरी कार्यालय हरिवनले जनाएको छ ।
