पथलैया यु२० फूटवलः मनकामना क्लब विजयी
पथलैयाः अमलेखगंज युनाईटेड क्लबलाई पराजित गर्दै मनकामना फूटवल क्लबले प्रथम पथलैया यु२० नकआउट फूटवल प्रतियोगितामा जित हात पारेको थियो ।
पथलैयामा विहिवार भएको खेलमा मनकामनाले अमलेखगंजलाई १-० ले पराजित गरेको हो । मनकामनाको जितमा सुरज तामाङले निर्णायक गोल गरेका थिए । पहिलो हाफको १३औं मिनेटमा निर्णायक गोल गरेका सुरुज खेलको म्यान अफ दि म्याच घोषित भए ।
सुरजलाई नेपाल राष्ट्रिय माध्यमिक विद्यालय पथलैयाका व्यवस्थापन समितिका अध्यक्ष कल्याण आलेमगरले पुरस्कार वितरण गरेका थिए ।
प्रतियोगिता अन्तर्गत शुक्रवार राईजिङ स्टार क्लब निजगढ र राईजिङसहारा क्लब चकरीबीच खेल हुनेछ ।
युवा जागरण क्लब र दिब्य ज्योती क्लबको संयुक्त आयोजनामा भईरहेको प्रतियोगितामा जिल्लाका १६ वटा टिमको सहभागिता रहेको छ । प्रतियोगिताको बिजेताले ३० हजार र उपबिजेताले २० हजार प्राप्त गर्नेछन् ।
