करेन्ट लागेर बारामा एकको मृत्यु
कलैयाः करेन्ट लागेर बारामा शनिवार एक जनाको मृत्यु भएको छ । मृत्यु हुनेमा महागढीमाई नगरपालिका वडा नं. २ ईनर्वाका ३५ वर्षीय सुरेन्द्रप्रसाद यादव रहेका छन् ।
स्थानीय चरनदेव भगतको धान खेतमा पानी हाल्न मोटर तार जोड्ने क्रममा यादवलाई करेन्ट लागेको हो । यादवको घटनास्थलमै मृत्यु भएको बाराका प्रहरी प्रवक्ता प्रहरी नायब उपरिक्षक राजेश थापाले जानकारी दिए ।
तार जोड्ने क्रममा करेन्ट सर्ट भई उनको घटनास्थलमै मृत्यु भएको प्रवक्ता थापाको भनाई छ ।
