पथलैया यु२० फूटबलः न्यु हिमाल क्लब सेमिफाईनलमा
पथलैयाः न्यु हिमाल क्लब निजगढ पथलैयामा जारी प्रथम पथलैया नकआउट फूटबल प्रतियोगिताको सेमिफाईनलमा प्रवेश गरेको छ ।
पथलैयामा शनिवार भएको पहिलो क्वार्टरफाईनल खेलमा न्यु सुन्दरबस्ती युथ क्लबलाई १-० ले पराजित गर्दै निजगढ अन्तिम चारमा प्रवेश गरेको छ ।
निजगढको जितमा अमन श्रेष्ठले निर्णायक गोल गरे । खेलको २०औं मिनेटमा अमनले गरेको गोल निर्णायक बन्यो । खेलको म्यान अफ दि म्याच निजगढका रविन बस्नेत घोषित भए ।
प्रतियोगिता अन्तर्गत आईतवार सहआयोजक दिब्यज्योती क्लब पथलैया र मनकामना युवा क्लब हुलासबीच खेल हुनेछ ।
