पथलैया यु२० फूटवलः दिब्यज्योती सेमिफाईनलमा प्रवेश
सिमराः सहआयोजक दिब्यज्योती क्लब पथलैयामा जारी प्रथम पथलैया नकआउट यु२० फूटवल प्रतियोगिताको सेमिफाईनलमा प्रवेश गरेको छ ।
पथलैयामा आईतवार भएको खेलमा दिब्यज्योतीले मनकामना युवा क्लब हुलासलाई १-० ले पराजित गरेको हो । दिब्यज्योतीको जितमा अस्मिन थिङले निर्णायक गोल गरे । खेलको ३५ औं मिनेटमा अस्मिनले गरेको गोल निर्णायक बनेको थियो ।
खेलको म्यान अफ दि म्याच दिब्यज्योतीका समर तामाङघोषित भए । उनलाई जीतपुरसिमरा उपमहानगरपालिका वडा नं. १ का सदस्य अमन लामाले पुरस्कार वितरण गरेका थिए ।
प्रतियोगिता अन्तर्गत सोमबार कोसेली युवा क्लब र न्यु योङ स्टार क्लबबीच तेस्रो क्वार्टरफाईनल खेल हुनेछ ।
