पथलैया यु२० फूटवलः न्यु योङ स्टार क्लब सेमिफाईनलमा प्रवेश
सिमराः न्यु योङ स्टार क्लब महेन्द्रनगर पथलैयामा जारी प्रथम पथलैया यु२० नकआउट फूटवल प्रतियोगिताको सेमिफाईनलमा प्रवेश गरेको छ । पथलैयामा सोमबार भएको खेलमा कोसेली युवा क्लबलाई पराजित गर्दै योङ स्टार अन्तिम चारमा प्रवेश गरेको हो ।
योङ स्टारको जितमा समिर तामाङले निर्णायक गोल गरे । दोस्रो हाफको १९औं मिनेटमा समिरले गरेको गोल निर्णायक बनेको थियो । समिर खेलको म्यान अफ दि म्याच घोषित भए ।
प्रतियोगिता अन्तर्गत मंगलवार अन्तिम क्वार्टरफाईनल खेलमा राईजिङ स्टार क्लब र न्यु जनजागृति युवा क्लब निजगढ भिड्नेछन् ।
युवा जागरण क्लब र दिब्य ज्योती क्लबको संयुक्त आयोजनामा भईरहेको प्रतियोगिताको बिजेताले ३० हजार र उपबिजेताले २० हजार प्राप्त गर्नेछन् । प्रतियोगिताको फाईनल खेल भदौ ४ गते हुनेछ ।
