जगदम्बा स्टील्स् अगाडी ट्रकले किच्दा मजदुरको मृत्यु
सिमराः जीतपुरसिमरा २ स्थित जगदम्बा स्टील्स् उद्योग अगाडी लहरी ट्रकले किच्दा शनिवार राती एक मजदुरको मृत्यु भएको छ ।
उद्योग भित्र प्रवेश गर्न लागेको प्रदेश २–०३–००१ ख ०३१६ नम्बरको ट्रकले किच्दा करैयामाई गाँउपालिका ५ का ४० वर्षीय रामसुरत चौधरीको मृत्यु भएको हो ।
चौधरीको घटनास्थलमै मृत्यु भएको हो । ट्रकले किचेलगत्तै उनलाई वीरगन्जस्थित नारायणी अस्पताल लगिएको थियो । अस्पतालका चिकित्सकले उनलाई मृत घोषित गरेका हुन् ।
जगदम्बा स्टील्स् उद्योगका मजदुर चौधरी उद्योग प्रवेश गर्न लागेका थिए । उद्योग प्रवेश गर्ने क्रममा सर्भिस लेनमा उनलाई लहरी ट्रकले किचेको हो ।
