दुई प्रदेशसभा सदस्यलाई अमलेखगंजमा सम्मान
सिमराः बारा क्षेत्र नं. ४(१) अन्तर्गतका दुई मधेस प्रदेशसभा सदस्यलाई शुक्रवार अमलेखगंजमा सम्मान गरिएको छ ।
अमलेखगस्थित नेपाल राष्ट्रिय माध्यमिक विद्यालयले प्रदेशसभा सदस्य देवनारायण चौधरी र मञ्जु थापामगरलाई सम्मान गरेको हो । चौधरी बारा ४(१) बाट प्रत्यक्ष र थापामगर समानुपातिक निर्वाचनबाट निर्वाचित भएका थिए ।
विद्यालय व्यवस्थापन समितिले एक कार्यक्रमको आयोजना गरी प्रदेशसभा सदस्यलाई सम्मान गरेको हो । कार्यक्रममा जीतपुरसिमरा उपमहानगरपालिका वडा नं. २१ का वडाध्यक्ष सुभाष श्रेष्ठ, विद्यालय व्यवस्थापन समितिका अध्यक्ष राजकुमार साह, प्रध्यानाध्यापक प्रविण काफ्लेलगायतको उपस्थिती रहेको थियो ।
