सिमरा भेट्रान क्लबको प्रथम वार्षिक साधारणसभा सम्पन्न
सिमराः ४० वर्षभन्दा माथीको उमेर समूहका फूटवल खेलाडीहरुको सहभागिता रहेर स्थापित भएको सिमरा भेट्रान क्लबको प्रथम वार्षिक साधारणसभा शनिवार सम्पन्न भएको छ ।
साधारणसभाको बारा जिल्ला फूटवल संघका अध्यक्ष रामचन्द्र लामाले उद्घाटन गरेका थिए । साधारणसभाको उद्घाटन समारोहमा लामासहित निर्माण व्यवसायी संघका अध्यक्ष दीपक ठाकुर, एमालेका युवा नेता हिरा बस्नेत, सिमरा फाउन्डेसनका अध्यक्ष आरिफ हुसेन, क्लबका सल्लाहकार विनोद परियार लगायतले मन्तब्य राखेका थिए ।
क्लबका अध्यक्ष राज कपुर (बिजय) राउतको अध्यक्षतामा सम्पन्न कार्यक्रमको संचालन संचारकर्मी प्रदीप गौतमले गरेका थिए । उद्घाटनसत्रमा क्लबका सचिव केदार ढकालले स्वागत मन्तब्य राखेका थिए ।
साधारणसभाको बन्दसत्रमा राउतले संस्थागत प्रतिवेदन र कोषाध्यक्ष रिता कंडेलले आर्थिक प्रतिबेदन प्रस्तुत गरेका थिए ।
कार्यक्रममा नव जनजागृति युवा क्लबका उपाध्यक्ष शंकर थापा, तेक्वान्दो प्रशिक्षक बिजय शाह ठकुरी, कराते प्रशिक्षक सानु पटेल, फूटवल प्रशिक्षक उमेश श्रेष्ठलगायतको उपस्थिती रहेको थियो । भेट्रान क्लबले सिमरामा प्रत्येक वर्ष फूटवल प्रतियोगिताको आयोजना गर्दै आएको छ ।
