महागढीमाईस्थित थलही पुलमा मोटरसाईकल दुर्घटना हुँदा दुईको मृत्यु
सिमराः बाराको महागढीमाई ९ स्थित थलही पुलमा आइतवार राती भएको मोटरसाईकल दुर्घटनामा दुई जनाको मृत्यु भएको छ । दुर्घटनामा एक सामान्य घाईते भएका छन् ।
गढीमाईबाट श्रीनगरतर्फ जादै गरेको ना२६प २२९५ नम्बरको मोटरसाईकल थहली पुलबाट नदिमा खसेर दुर्घटनामा भएको हो । दुर्घटनामा सिम्रौनगढ १ बैरियाका २३ वर्षीय कासिम अंसारी र २२ वर्षीया ताही अंसारीको मृत्यु भएको हो ।
उनिहरुको शव सोमबार बिहान फेला परेको हो । पुलबाट करिब दुई किलोमिटर दक्षितर्फ खोलाको किनारमा उनिहरुको शव भेटिएको बाराका प्रहरी उपरीक्षक होबिन्द्र बोगटीले जानकारी दिए ।
मोटरसाईकलमा सवार तीनमध्ये अर्का एक गुड्डु अंसारी भने सामान्य घाईते भएका छन् । घटनालगत्तै गुड्ले परिवार र प्रहरीलाई जानकारी गराएका थिए । घटनालगत्तै प्रहरी पुगेपनि उनिहरुको अवस्था अज्ञात रहेको थियो ।
प्रहरीले खोजी गर्दै जाने क्रममा कासिमको शव बिहान ६ बजे र ताहिको शव ११ बजे फेला परेको हो ।
