हामा आइरनमा समग्र उद्योग ट्रेड युनियनको अधिवेशन सम्पन्न
सिमराः जीतपुरसिमरा २ स्थित हामा आइरन एण्ड स्टील इण्डष्ट्रिज प्रालिमा जिफन्ट आवद्ध समग्र उद्योग ट्रेड युनियनको सातौं अधिवेशन सम्पन्न भएको छ ।
अधिवेशनले चित्रबहादुर बस्ते (गणेश) को अध्यक्षतामा नौ सदस्य समिति चयन गरेको छ । समितिको उपाध्यक्षमा जयराम बिष्ट, सचिवमा दुर्गा श्रेष्ठ, सहसचिवमा दीपु भण्डारी, कोषाध्यक्षमा सुमन देवकोटा रहेका छन् ।
यसैगरी समितिको सदस्यमा श्रवण विक, रेणु थिङ्, आशिष थापा र बलिराम चौधरी रहेका छन् । अधिवेशनले धनबहादुर श्रेष्ठको संयोजकत्वमा सल्लाहकार समिति चयन गरेको छ । समितिको सदस्यमा बिष्णुदेव पटेल र साइला सुनुवार रहेका छन् ।
अधिवेशनमा समग्र उद्योग ट्रेड युनियनका केन्द्रीय अध्यक्ष आनन्द थामी, केन्द्रीय सचिव गिता भण्डारी, जीतपुरसिमरा २ का वडाध्यक्ष धनबहादुर श्रेष्ठ, हेमराज न्यौपानेलगायतको उपस्थिती रहेको थियो ।
नेपाल ग्यास उद्योग प्रालिमा ११औं अधिवेशन सम्पन्न
सिमरास्थित नेपाल ग्यास उद्योग प्रालिमा समग्र उद्योग ट्रेड युनियनको ११औं अधिवेशन सम्पन्न भएको छ । अधिवेशनले रामबहादुर यादवको अध्यक्षतामा सात सदस्यीय समिति चयन गरेको छ ।
समितिको उपाध्यक्षमा नवराज सुवेदी, सचिवमा उमेश चौधरी, सहसचिवमा राम जित, कोषाध्यक्षमा दिनेशकुमार श्रेष्ठ, सदस्यमा दोलख बस्नेत र रामकरण चौधरी चयन भएका छन् ।
