अन्तर माध्यमिक विद्यालय फूटबल प्रतियोगिताको उपाधी आयोजकलाई
सिमराः ५०औं वार्षिकोत्सवको अवसरमा पथलैयास्थित नेपाल राष्ट्रिय माध्यमिक विद्यालयले आयोजना गरेको अन्तर माध्यमिक विद्यालय फूटबल प्रतियोगिताको उपाधी आयोजक विद्यालयले उचालेको छ ।
पथलैयास्थित श्रीकृष्ण मन्दिर खेल मैदानमा भएको खेलमा पथलैयाले नेपाल राष्ट्रिय मौवादेवी माध्यमिक विद्यालय डकाहालाई २–० ले पराजित गर्दै आयोजक विद्यालयले उपाधी जितेको हो ।
विजेता र उपविजेता विद्यालयलाई युवा समाजसेवी श्यामबाबु गुप्ता, विद्यालय व्यवस्थापन समितिका अध्यक्ष कल्याण आलेमगरलगायतले पुरस्कार वितरण गरेका थिए ।
क्रिकेटमा आयोजक बिजयी
वार्षिकोत्सवका अवसरमा आयोजित क्रिकेट प्रतियोगिता अन्तर्गत भएको खेलमा आयोजक विद्यालयले नेपाल राष्ट्रिय माध्यमिक विद्यालय डुमरवानालाई ११६ रनले पराजित गरेको छ ।
त्रिकोणात्मक सिरिज अन्तर्गत सम्पन्न खेलमा डुमरवानालाई पराजित गर्दै पथलैया फाईनलमा प्रवेश गरेको हो । फाइनलमा उपाधीका लागि आयोजक विद्यालय र नेपाल राष्ट्रिय माध्यमिक विद्यालय सिमराबीच शुक्रवार खेल हुनेछ ।
